Psalms 147
1TOPA phat un. ▼▼ 1 Hebrew ah Hallelu Yah; tg.20 ah zong
Eite Pasian phatna-a lasak hoih mahmah a,
amah phat dingin kilawma nuam mahmah hi! b
2 TOPA in Jerusalem lam-a; c
Israel saltaangte a kaikhawm hi. d
3 Amah in lungsim tamkhamte damsak a,
amau liammate a tunsak hi.
4 Amah in aksite a phazah ding ciangtan a, e
a min vawh ciatin sam hi.
5 I Topa lian hi, vangliatna ah thahat a, f
ama theihtelna kiciangtan lo hi. g
6 TOPA in a kiniamkhiatte huh a h
migilote ahileh leilak a denna hi. i
7 Lungdam koin TOPA la sak un; j
Harp tumin i Pasian tungah gingsak un. k
8 Amah in meiite tawh huih khua tuam a, l
leitung ah guah zusakin
mualte tungah lopa posak hi. m
9 Amah in ganhonte le va-aknote n
a ham ciangin an a sik hi. o
10 Ama lungkimna, sakol hatna hi lo a,
ama nopsakna mihing khete zong hi lo hi.
11 TOPA nopsakna ahileh amah kihta a, p
ama itna kip a lamente tung ahi hi. q
12 Jerusalem aw, TOPA tawisang in;
Zion aw, na Pasian phat in,
13 ahang in, amah in na kongpi zawlte khauhsak a, r
nang sunga om na mite thupha pia hi. s
14 Amah in na gamgite lemna pia-a, t
mangbuh hoih penin nang hong taisak hi. u
15 Amah in a thupiakna leitung ah sawl-a; v
a thu manlangtakin a tai hi.
16 Amah in tuumul bangin vuk phalh a, w
vut bangin vukkhalte a thehthang hi. x
17 Amah in suangtang bangin a gialtang hong khiatsuk hi. y
Ama vuk-huih kua in nang zo ding hiam?
18 Amah in thu pia a tuate a tuisuak hi; z
a huihdamte tok-a tui a luang hi. aa
19 Amah in Jacob tungah a thu laakhia a, ab
Israel tungah a thukhamte le a thukipte a laakkhia hi. ac
20 Amah in minam dangte adingin hih na sem lo a; ad
amaute in a thukhamte a thei kei uh hi.
TOPA phat un. ae
Copyright information for
ZomZIV